Insarabasab a taba ken lasag ti baboy ti ibulon iti innapuy. Ay ket makaanayen a pamedped iti bisin, piman. ‘Maykayon ta pagraramanan, Karruba!

wwwmangantayonkarruba.blogspot.com

Seafoods (Lames-taaw) mammet ti isublat nga ikammet iti innapuy: kilawen (presko) nga ipon ken (na)prito a pusit. Nabayag man la ngaminen daydi naudi a panagsida iti ipon ket kasta unay nga innapuy ti naibulonna, piman. Solved! ‘Maykayon, ne! (courtesy: loving family & relatives from the P.I)

wwwmangantayonkarruba.blogspot.com

Batso (Bacho) a balatong a naigisaran bassit iti taba ken karne ti baboy ken nasagpawan ti bungat’ tarong. Nagimas man nga ikammet iti innapuy no kastoy a natutudo ti panawen. Pangontra ti lam-ek, piman. ‘Maykayon, ne!

wwwmangantayonkarruba.blogspot.com

Ket wen, daytoy latta manen, a, ti nanumo nga ikammet iti innapuy: (na)salad a bungat’ paria, uggot/rangaw ti katuday ken sabongna, ken ilay-sanglay (alubagti). Ay, kadagiti pada a nangisit ti sikona, ‘maykayon ta pagraramanan ti sagana!

wwwmangantayonkarruba.blogspot.com

Es Kabeche Galunggong (Fried Layang Scad) a nalaokan iti kamatis, bungat’ tarong ken kardis, bulong ti ilay-sanglay. ‘Maykayon ta pagraramanan ti nanumo a sagana iti lamisaan.

wwwmangantayonkarruba.blogspot.com

Ket wen, inasmangak man iti (na)salad a natibo (native) a parda ti (na)lauya a puro tulang (adda bassit lasagna) ti baboy a nalaokan iti rabong. Naimbag unay ti nasabor a digo nga igupen dagiti pada a mangrabrabii (graveyard) nga agtrabaho. Ala wen ‘maykayon ta ikirastayo, ne! (Agyamanak ken ni ML iti padigo a parda]

wwwmangantayonkarruba.blogspot.com

KBL ken L lattan ti iparehak iti (na)prito a tilapia napia la a pangimas ti pangan, piman. ‘Maykayon, ne!

wwwmangantayonkarruba.blogspot.com

(Na)Lauya a puro lasag ti baka a nalaokan bassit iti repolio. Kaldo, kaldo, kaldo. ‘Maykayon ta agiguptay’ iti nasabor a digo, Karruba!

wwwmangantayonkarruba.blogspot.com