Prito a lames ti mataan

 

Seafoods mammet ti isublat nga stomach progess.

Prito a lames ti mataan [akule].

Makaanay siguro ti tallo piraso a prito a mataan

a sidaen ti dua a tao. Wen, makaanayen a pamedped 

ti bisin ken mamangulimek iti agik-ikkis a tian

aglalo no maasmangan iti nagilap a kamatis

wenno isawsaw iti suka. Hmm...Ala, paganusanen, piman.

'Maykan ta dinak sirsiripen dita, karruba.

Mangantan, ne!

[wwwmangantayonkarruba.blogspot.com]

Ramanantayo mammet ti adobo a tukak

 

Natiambaak ti lako a tukak iti maysa kadagiti

Filipino stores ditoy Maui. Manmano daytoy

a masalamaan. Diak binaybayag, ginammatak 

ti dua a medium size a supot ti ziploc. 

Balor 6.99 a doliar ti maysa a supot 

nga adda nagyanna a tallo pareha a luppo.

Adobo a tukak ti luto. Mayat, nananam

ngem apounayen ta bassit la ti nagbalinanna.

Ala wen, iyayabkon ti pannangan karruba!

[wwwmangantayonkarruba.blogspot.com]

Salad ken bugguong a padas

 

Salad a rangaw ti sayute ti naipareha iti bugguong 

a padas. Umanayen daytoy a sida ta adu ngata met

maibulonna nga innapuy, piman.

Ala wen. 'Maykan, karruba!

wwwmangantayonkarruba.blogspot.com

Batso latta, karruba!

 

Pangbusat a sida ita nga umuna nga aldaw

ti bulan ti Pebrero, batso [bacho] a bunga

ti karabasa, okra [saluyot-kayo], utong

ken parda. Adda pay burluloyna a lasag

ken taba ti baboy sa pay la nasagpawan

iti pasayan[g].

Manso bareng umamo ni ayat, karruba!

.

[wwwmangantayonkarruba.blogspot.com]

Agiguptayo iti digo, karruba!

 

Pangaldaw mammet gayamen, aya? Nagalistot' oras.

Ngem ne, agiguptay' man ketdi iti digo ti bulong ti marunggay,

susop ti saba ken bungat' okra [saluyot-kayo] ta napia la

nga adda pamigsa dagiti susuop ken tulang a makigabbu

nga agsapul iti taraon a pagbiag no rabii, piman.

'Maykan ket naimas ti maragatas a digo, karruba!

[wwwmangantayonkarruba.blogspot.com]

Kardis manipud iti hardin ti taraon ti bagi

 

Addan mabalin a burasen. Addan mabalin a pakbeten,

wenno paglaok ti maluto a masida nga aggapu

iti hardin ti taraon ti bagi. Ay wen, 

nayuray met laeng ti parabor daytoy

mula a kardis, piman.

[wwwmangantayonkarruba.blogspot.com]

Kalti a bungat' rimas, agmeriendatayo!

 

Agyamantayo iti Dios ta nadanontayo manen

ti sabali a buya ti bigat. Ken agyaman met

ta mapelpelan manen iti taraon ti tian, piman. 

Kas koma daytoy kalti a bungat' rimas [breadfruit] 

a linuto ni baket nga impadawat ni mother dear a binurasna 

iti mula da kabagis ken kayong. Ala wen, yaman pay Apo!

'Maykayon ta agmeriendatayo, karruba!

[wwwmangantayonkarruba.blogspot.com]