Sinuoban/Nasuoban a lames ti mataan [smoked fish akule] ti ikammet iti kamatis, bulong ti lasona ken innapuy. Anusan lattan, piman...

Sinuoban/Nasuoban nga Akule

Yantangay umuna nga aldaw ti bulan ti Marso, busatak man ti agsida ti natuno/tinuno a bungat' sili ken okra. Naimbag a kombinasion-- aphrodisiac ken pagpabara iti rikna, nasustansia ken maysa a paggugusto a taraon nga ikammet iti innapuy dagiti pada a nangisit ti sikona. Anusanen ti kinanumo ti masida, piman...

Natuno/Tinuno a Bungat' Sili ken Okra

Hmm...kasla adda an-anemic daytoy lutok a dinardaraan [karne/taba] ti baboy, a? Ngem pagpiaanna, bukod a bersion nga ipauneg dagiti bumalay saan ketdi a pangkomersial. Anusanen ken pagyamanan ta adda kastoy a masida. Piman...

Dinardaraan a Baboy

Nakamatisan ken nabugguongan bassit ti salad a sabong ti katuday nga ibulon ti innapuy ita nga aldaw. 'Manayen nga ap-ap ti tian tapno di mabisin, piman...

Salad a Sabong ti Katuday

Ket wen, a, naimas met daytoy nga ipangan ti innapuy, nalingta/liningta a lames ti mataan [akule]. Imasen lattan ti adda a masida. Ti kinanumo ti masida, piman...

Nalingta/Liningta a Mataan [Akule]

Bukod a bersion ti ginettaan nga aba [wenno daludal ti sabali nga awagna] ti pangrabii. Simple, nanumo ngem nasustansia a taraon. Piman ti kinapiman...

Ginettaan nga Aba [Wenno Daludal ti sabali nga awagna]

Nayon nga impangan ti Atsara/Achara a Rabong. Daytoy ti maysa a kaimasan a kanen ti nangisit ti sikona. Piman latta ti piman...

Atsara/Achara a Rabong