Pinagblad a balatong a naigisaran bassit iti karne ken taba ti baboy, nasagpawan iti bulong ti ilay-sanglay ken sabong ti katuday. Daytoy ti naimas a masida no kastoy a natutudo ti tiempo. ‘Maykayon ta ikirastay’ ti nanumo a masida— piman.

wwwmangantayonkarruba.blogspot.com

Bagas ti mula a balanghoy (cassava) ni baket. Di pay nakali amin ta dadakkelda. Adda met la naganab ti panagan-anus a naguray, piman. Ala wen...

wwwmangantayonkarruba.blogspot.com

Pinakbet latta, piman.

wwwmangantayonkarruba.blogspot.com

Ala 'maykayon ta pangramanyo met, Karruba!

[wwwmangantayonkarruba.blogspot.com]
Ay ket paganusan, a, ti nageksperimuentoak a linuto a masida. Ta no dadduma, ti panaglutoan maysa a panageksperimento a mangtakkuat ken mangpartuat iti baro a klase a luto.

Kas koma ti daytoy nagang-angawak a luto, diak ammo ti pangawagda ngem nagresulta met a naimas piman. 
Namarinada ti (puro) lasag ti baboy, naiprito. Nangigisarak iti (local) string beans, carrots, bell pepper ken sibuyas. Kalpasanna, pinagkakaborko ida. Pinatedtedak iti bassit a danum ken natempla. Impisokko ti gisantes (green peas). Pinaatianak ti danum agingga a nagmanteka bassit. Ket ne, dayta.

Ala ‘maykayon ta pangramanyo met, karruba!

Isublat mammet ti agigup iti digo ti lames ti malaga (spinefoot) a nagsapawan ti bulong iti paria ken ilay-sanglay. ‘Maykayon, ne…

wwwmangantayonkarruba.blogspot.com

Agiguptay’ man iti digo ti paksiw a baka napia la a pangriing ti agdudungsa a rikna ti kas kaniak a mangrabrabii nga agtrabaho. Napatedtedan bassit iti papait a mangpasabor ti ramanna ken bareng dina riingen ti nabayagen a naituglep a “gout.” ‘Maykayon ta makiigupkayo iti digo. Agpaling-ettayo, ne.

www
mangantayonkarruba.blogspot.com