Prito a Mataan

 

Hu! Daytoy man prito a mataan [akule] ti pagpapasan

nga ikammet iti innapuy. Idumudomko iti suyo

a naperresan iti kalamansi wenno lakaylakay 

ken naarten iti suka a bungat' sili ti sairo.

Makaanayen a pangimas ti pangan. 'Maykan, karruba!

[wwwmangantayonkarruba.blogspot.com]

Tinapa ken kamatis

Tinapa ken kamatis, kaimasan a kombinasion 

nga ipareha iti innapuy. Wen daytoy 

ti nanumo a pammigat ken pangaldaw metten

a sida dagiti pada a nagpuyat a nagtrabaho.

Ala ket anusan lattan, a, piman.

[wwwmangantayonkarruba.blogspot.com]

Liningta nga udang

 

Nabayagen a nakapupok iti reprigarator ngem ita la

a nasukainak. Sangasupot a puro udang. 

Medium size ti ziploc ti nakaipananna.

Beinte doliar ti bayadna. Lako ti karrubami. 

Naggapu kano iti karayan. Liningtak amin

ta saan met nga adu. Kaustoanna lang.

'Maykan ta mangantan, karruba!

[wwwmangantayonkarruba.blogspot.com]

Prito a lames ti mataan

 

Seafoods mammet ti isublat nga stomach progess.

Prito a lames ti mataan [akule].

Makaanay siguro ti tallo piraso a prito a mataan

a sidaen ti dua a tao. Wen, makaanayen a pamedped 

ti bisin ken mamangulimek iti agik-ikkis a tian

aglalo no maasmangan iti nagilap a kamatis

wenno isawsaw iti suka. Hmm...Ala, paganusanen, piman.

'Maykan ta dinak sirsiripen dita, karruba.

Mangantan, ne!

[wwwmangantayonkarruba.blogspot.com]

Ramanantayo mammet ti adobo a tukak

 

Natiambaak ti lako a tukak iti maysa kadagiti

Filipino stores ditoy Maui. Manmano daytoy

a masalamaan. Diak binaybayag, ginammatak 

ti dua a medium size a supot ti ziploc. 

Balor 6.99 a doliar ti maysa a supot 

nga adda nagyanna a tallo pareha a luppo.

Adobo a tukak ti luto. Mayat, nananam

ngem apounayen ta bassit la ti nagbalinanna.

Ala wen, iyayabkon ti pannangan karruba!

[wwwmangantayonkarruba.blogspot.com]

Salad ken bugguong a padas

 

Salad a rangaw ti sayute ti naipareha iti bugguong 

a padas. Umanayen daytoy a sida ta adu ngata met

maibulonna nga innapuy, piman.

Ala wen. 'Maykan, karruba!

wwwmangantayonkarruba.blogspot.com

Batso latta, karruba!

 

Pangbusat a sida ita nga umuna nga aldaw

ti bulan ti Pebrero, batso [bacho] a bunga

ti karabasa, okra [saluyot-kayo], utong

ken parda. Adda pay burluloyna a lasag

ken taba ti baboy sa pay la nasagpawan

iti pasayan[g].

Manso bareng umamo ni ayat, karruba!

.

[wwwmangantayonkarruba.blogspot.com]