Pinakabet a puro bungat' tarong

 

Kiniratko a dagus ti napurosko a bungat' mula a tarong iti hardin ti bagi, piman. Pinakbetko a purpuro. Narigaten no baybayagen...

'Maymo ramanan, karruba!

[wwwmangantayonkarruba.blogspot.com]

Tsitsaron Baboy ken KBL

 

Nagdungngo metten 'toy balasitangkon aya ta inteddaannak pay ti masida. Ngem ala, hanabale. Anusan napia pay ta adda ngem ti awan, piman...

[wwwmangantayonkarruba.blogspot.com]

Lauya a tultulang ti baboy

 

Nalamiis ti tiempo isu nga agkaldotay’ man iti (na)lauya a tultulang ti baboy a nalaokan ti bungat’ utong ken patani.

Nasabor ti digo naimbag la a pamigsa ti bagi ken panidap iti panunot nga agpuyat nga agtrabaho, piman.

Ala, manso. ‘Maykan, karruba!

[wwwmangantayonkarruba.blogspot.com]

Bacho a tabungaw

 

Tabungaw mammet. Wen, batso (bacho) a bungat’ tabungaw a nalaokan iti nagisar a karne ken taba ti baboy ti isublat nga ipareha iti innapuy. Mayat pay daytoy a sida a mangtengngel ken mamagkalma iti agpigpigerger a laslasag no kastoy a kalamiis ti tiempo.

No pudno a nangisit ti sikom, ‘maykan ta danggayannak a mangan, karruba!

.

[wwwmangantayonkarruba.blogspot.com]

Bunga ti Chico

 

Adda met impadigo ni kumpad a taga-Kahului a bungat’ tsiko (chico). Paluomek ta napianto la saramsamen.

Agyamanak manen, kumpad.

.

.

.

[wwwmangantayonkarruba.blogspot.com]

Parabor a napuros iti hardin

 

Dagitoy man ti parabor a napurosko ita nga aldaw iti hardin a taraon ti bagi: patani, kamatis, utong ken tarong.

Ala, mansuenyo latta!

.

.

.

[wwwmangantayonkarruba.blogspot.com]

Patani

 

Uray daytoy mula a patani, nagraber. Naglemmeng pay ketdin dagiti bungana.

.

.

.

[wwwmangantayonkarruba.blogspot.com]