Insarabasab

 

Insarabasab a lapayag ti baboy-- naperresan

iti tubbog ti kalamansi, napatedtedan ti suka, 

bassit nga asin ken vetsin, nalaokan 

iti bungat' sili ken sibuyas. Dayta, natemplan!

'Maykan ta paganusan ti nanumo a sida, karruba!

[wwwmangantayonkarruba.blogspot.com]

Pinakbet a bungat' sili

 

Pinakbet a puro bungat' sili a nasagpawan

iti lima a katupek ti tedda a chicharon baboy.

Ala wen, anusan manen ti sida. 'Maykan, karruba!

[wwwmangantayonkarruba.blogspot.com]

Agsabongen ti Dragon Fruit

 

Nabayag metten daydi naudi a panagbungam. Ita,

addan makitak a sabongmo. Makapailiwka met,

ti sam-it ti ramanmo.

[wwwmangantayonkarruba.blogspot.com]

Pinakbet a Daludal

 

Daytoy mammet isublat nga ikammet iti innapuy: pinakbet a daludal [kayo] a nalaokan bassit iti bulong ti saluyot ken nasagpawan iti sinuoban a galunggong ken bungat’ natibo a sili.

'Maykayon ta pagraramanan ti nanumo a sida, karruba!

[wwwmangantayonkarruba.blogspot.com]

Liningta a Pampano

 

Daytoy ti natiliwko iti pagpupokak. Kaalistoan a maluto. 

Pagpapasan a sida, liningta a Pampano. Bukod nga estilo 

a raman ken templa. Nananam ken makapnek! Umanayen a pareha

ti innapuy.

Diakon baybayagen, ikiraskon ne. 'Maykan ta umaymo ramanan, karruba!  

wwwmangantayonkarruba.blogspot.com