Adda met napuros

 

Adda met innem a bunga ti mula a tarong a napuros iti taraon ti hardin ti bagi, piman. Ay, napia la nga adda nayon nga isaang a maluto a masida.

Ala wen, dika koma maum-uma a mangiburay iti paraburmo.

.

.

[wwwmangantayonkarruba.blogspot.com]

Pinakbet

Balatong koma ti iparehak iti innapuy ta rinugianna manen ti nagtudo, ngem babaam man pay laeng. Daytoy ketdi ti kailiw ti boksit a sida ita.

Manso.

Tira agingga a mapnekka!

Dagitay pada a nangisit ti sikona, ‘maykayon ta ikirastay,’ ne!

[wwwmangantayonkarruba.blogspot.com]

#pinakbet

 

Dinardaraan

 

Isublat mammet ti agsida iti dinardaraan a karne/taba ti baboy napia la a pangay-ayo ti boksit, piman.

Ay, ‘maykan ta danggayan ken labayam ti ungotmo, karruba!

[wwwmangantayonkarruba.blogspot.com]

Sardinas ken Tarong

 

Nageksperimentoak manen no ania ken kasanot’ luto ti tarongko. Hehe, ti pinurosko a bunga ti mulak a tarong ti kayatko a sawen. Ngem kas met la iti dati ti nagbanagan ti lutona, naipareha iti sardinas. Naimas latta, piman.

.

‘Maykan ta paganusan manen ti sida, karruba!

[wwwmangantayonkarruba.blogspot.com]

Adobo a puro bagbagis ti baboy

 

Likliklikanka tunggal makitaka ngem im-imasennak

ti perrengmo. Ah, nagrigat ketdin a di pagustoan

ti sulisogmo sika adobo a puro bagbagis ti baboy.

Ala wen, ita man lang manen a masunotan. Ngem ikidem,

itured no agut-ot. Kunada: "no gout, no glory!" Waaa!

'Maykan, umaykan ta umaymo ramanan, karruba!

[wwwmangantayonkarruba.blogspot.com]

Ay, napia la a nayon ti maluto a masida

 

Adda uppat a bunga ti tarong a naburasko.

Ay, napia la a nayon ti maluto a masida.

Piman.

[wwwmangantayonkarruba.blogspot.com]

Tinuno a bungat' sili ken okra, naimbag a kombinasion

 

Busatak man ketdi daytoy umuna a Sabado

ti lawas iti agsida ti tinuno a bungat' sili

ken okra [saluyot-kayo] bareng pikarennat'

mamayatak. Naimbag a kombinasion-- aphrodisiac

ken pagriing iti agdudungsa a rikna, hehe!

'Maykan pada a nangisit ti sikona, ne!

[wwwmangantayonkarruba.blogspot.com]