DAYTOY ti innak suksukroten ken ranrantaen a kitkiaten kadagiti Filipino Stores, ngem daksanggasat ta diak marana ti kaaddana. Kaslaak ketdin aginaw a makaramraman a mapan mangsublisubli kenkuana. Imbag la ketdin ta nalagipko nga adda gayam inyawidmi idi nagsublikami ditoy a naggapu ti bakasion idiay Filipins itay kallabes.
Wen, daytoy nay bukel ti utong, piman. Ar-arapaek la unay ti nangpablad a naipareha iti nagisar a taba ken lasag ti baboy a nangpaimas pay ti ramanna. Ket wen, linaokak bassit iti bulong ti paria ken ilay-sanglay [alugbati]. Daytan ti kaimasan a sagpawna--- para kaniak, a.
Ken ammok a daytoy ti maysa a mangpikar ti 'gout-ko' ngem babaam man, adda agas a tomaren, hehe.
Dalikan, Kusina ken Lamisaan:
MANGANTAYON, KARRUBA!
wwwmangantayonkarruba.blogspot.com
#taraon #taraontibagi #saguttibiag #nateng #bukel #utong #pinablad #taba #lasag #baboy #bulong #paria #ilaysangaly #sida #makan #ilokanoak #ilokanoakditoyhawaii #lutoniilokano #bukodaluto #lutoitibalay #dalikan #kusina #lamisaan #mangantayon #karruba #rudyramrumbaoa
No comments:
Post a Comment