Daytoy mammet, daytoy man ti isublat nga ikammet iti innapuy: pinakbet a [puro] bulong ti saluyot a nasagpawan iti sangkalilit a daing ken bungat' sili a sairo.
Dalikan, Kusina ken Lamisaan: MANGANTAYON, KARRUBA!
Pakaidasaran dagiti agkakaimas a potahe a luto ni Filipino nangruna kadatayo a nangisit ti sikona...
Tuesday, May 7, 2024
Pinakbet a saluyot
Daytoy mammet, daytoy man ti isublat nga ikammet iti innapuy: pinakbet a [puro] bulong ti saluyot a nasagpawan iti sangkalilit a daing ken bungat' sili a sairo.
Friday, April 26, 2024
Prito a mataan
Hu! Daytoy man prito a mataan [akule] ti pagpapasan nga ikammet iti innapuy. Idumudomko iti suyo a naperresan ti kalamansi nga adda laokna a lakaylakay ken naarten iti suka a bungat' sili ti sairo.
Makaanayen a pangimas ti pangan. 'Maykan, karruba!
[wwwmangantayonkarruba.blogspot.com]
Wednesday, April 24, 2024
Nateng latta ti sida
Dagitoy ti agpapareha ita: bulong ti marunggay, bungat’ tarong ken utong. Daytoy ti kaimasan a digo nga igupen dagiti pada a mangrabrabii nga agtrabaho ken no kastoy nga aglulemlulem ti tiempo ken kasla kayatna nga ibuyat ti tudo. Nasustansia, ngem ala, anusan.
Ken adda pay nayonna-- salad a pechay [bulong ken kayo] a nakamatisan, naigilapan ken natadtadan ti sibuyas ken laya, nalaokan iti bassit a bugguong ken vetsin. Nateng latta ngem nagimas man nga ikammet iti innapuy.
‘Maykayon ta pagraramanan ti nanumo a sida, karruba!
[wwwmangantayonkarruba.blogspot.com]
Monday, April 22, 2024
Ginataan nga aba
Inasmangak man ti linutok a dinengdeng iti ginataan nga aba. Linaokak bassit iti nagisar a lasag ken taba ti baboy ken nasagpawan ti daing.
Mayat a kombinasion ta mabalanse ti lasag/taba iti nateng. Ket ana pay ngarud no di anusan ti masida, piman.
'Maykayon, karruba!
[wwwmangantayonkarruba.blogspot.com]
Ammuen pay daytoy, karruba!
Thursday, April 18, 2024
Lames manen, piman
Isublat mammet ti nilingta a tilapia a sida nga inap-apak ken sinagpawak iti rangaw ti kamotig.
Ageksperimentotayo latta nga agluto, no aniat’ mabalin a maluto ken lutuen. Awan patingga a sursuroen dagiti banag a ditay' pay napadasan. Gapu kadayta, saanen a nasken nga agsapul iti naimas a sida. Ti nasken, adda taraon a maidasar a kaginnubal ti innapuy iti lamisaan ken pamigsa ti bagi nga agpuyat nga agtrabaho.
‘Maykayon ta mangantayon, Karruba!
[wwwmangantayonkarruba.blogspot.com]
Wednesday, April 17, 2024
Stir fry shrimps ken tufo
Baliwan mammet ti uso, piman: Stir fry Shrimps ken Tufo, ken adda sangkabassit burbuloyna a taba ken lasag ti baboy, carrots ken bell pepper. Pangalistoan a luto.
‘Maykan dika baybayagen, karruba!
[wwwmangantayonkarruba.blogspot.com]
Labels:
Baboy,
Bell Pepper,
Carrots,
Ilokano Food,
Lasag,
Nagisar,
Pasayang,
Sida,
Taba,
Taraon,
Tufo
Subscribe to:
Posts (Atom)